विराटनगर । स्वास्थ्य तथा जनसंख्या मन्त्रालयद्वारा २४ घण्टायता २२६ जनामा कोरोना देखिएको विवरण सार्वजनिक भएको केही समयपछि पुनः १३ जना थप भएको विवरण सार्वजनिक भएको छ ।
अब २४ घण्टामा कोरोना संक्रमित हुनेको संख्या २ सय ३९ पुगेको छ । यो सँगै नेपालमा कोरोना संक्रमितको संख्या १८ सय ११ पुगेको छ ।
स्वास्थ्य तथा जनसंख्या मन्त्रालयले साँझ थप १३ जनामा कोरोना संक्रमण पुष्टि भएको विज्ञप्तिमार्फत जानकारी दिएको हो ।
संक्रमित १३ जनामा पाल्पा निस्दीका २ जना, नवलपरासी सरावलका १ जना, गुल्मी रेसुंगाका १ जना, कपिलवस्तु मायादेवीका ७ जना र रुपन्देही गैडहवाका २ जना रहेका छन् ।
