कर्मचारीको अतिरिक्त भत्ता कटौती

विराटनगर । सरकारले आगामी आर्थिक वर्षमा कोरोना रोकथाम तथा नियन्त्रणमा अग्रपंक्तिमा खटिने सुरक्षाकर्मी तथा स्वास्थ्यकर्मीबाहेक अन्य सरकारी कर्मचारीको अतिरिक्त भत्ता कटौती गरेको छ ।

आगामी आर्थिक वर्षको बजेट भाषणमार्फत् अर्थमन्त्री डा.युवराज खतिवडाले कर्मचारीको प्रोत्साहन भत्ता, अतिरिक्त समय भत्ता, बैठक भत्ता, खाना तथा खाजा भत्ता र जोखिम भत्ता खारेज गरिएको घोषणा गर्नुभयो ।

कर्मचारीको विदेश भ्रमण, इन्धन खर्च, कम प्राथमिकताका गोष्टि सेमिनार, सवारी मर्मत खर्चमा उल्लेख्य कटौती गरिएको छ । कोरोना रोकथाम तथा नियन्त्रणका लागि अग्रपंक्तिमा खटिने सुरक्षाकर्मी र स्वास्थ्यकर्मीका लागि भने थप प्रोत्साहनमूलक भत्ताको व्यवस्था गरिने घोषणा बजेटमा छ ।