विराटनगर । पूर्वेली ठिटी बोलको गीतबाट पाइला चालेका गायक प्रेम घिमिरेले नयाँ वर्षको अवसर पारेर पूर्वेली ठिटी –२ (मनको कुरा) गीत लिरिकल भिडियोमार्फत् सार्वजनिक गरेका छ्न् ।
घिमिरेकै शब्द र सङ्गीतमा रहेको यो गीतको सङ्गीत संयोजन दिनेश न्यौपानेले गरेका छ्न् भने लिरिकल भिडियो अनिल कट्वालले बनाएका हुन् ।
नेपाली संगीत जगतमा घिमिरेले थुप्रै गीत सार्वजनिक गरिसकेका छ्न् । घिमिरेले केही दिनआगाडि मात्र राष्ट्रिय गीत ‘माया लाग्छ नेपालको’ सार्वजनिक गरेका थिए ।
‘अहिले सारा संसार कोरोना संग लडिरहेका छ्न्, हामी पनि यसकोविरुद्धमा लड्दै छौं, मैले केही महिनाअगाडि नै यो गीत रेकर्ड गरेको थिएँ,’ उनले भने, ‘भिडियो बनाउने तयारी नि थियो कोरोनाको कारणले सकिएन अडियो आफ्नै युटुब च्यानलबाट सार्वजनिक गरेको छु ।’
