धरान । वीपी कोईराला स्वास्थ्य विज्ञान प्रतिष्ठानमा उपकुलपतिको रुपमा नियुक्त हुनुभएका प्रा.डा. ज्ञानेन्द्र गिरीले शुक्रबार पदभार ग्रहण गर्नुभएको छ ।
विराटनगर निवासी गिरीलाई बिहीबार प्रतिष्ठानका कुलपति तथा प्रधानमन्त्री केपी शर्मा ओलीले उपकुलपतिमा नियुक्ति गर्नुभएको थियो ।
गत निर्वाचनको समयमा नेकपामा प्रवेश गरेका गिरीले पदभार ग्रहण गर्दै प्रतिष्ठानलाई राम्रो बनाउन प्रतिष्ठानभित्रकै चिकित्सक, पदाधिकारीहरुबीच सहकार्य हुनुपर्ने बताउनुभयो । प्रतिष्ठानलाई साख जोगाउँदै अगाडि बढाउने चुनौती आपूmलाई रहेको बताउँदै उहाँले प्रतिष्ठानको समस्याहरु बुझेर समाधान गर्ने र सही मार्गमा ल्याउन प्रयास गर्ने उल्लेख गर्नुभयो ।
प्रतिष्ठानलाई देशकै उत्कृष्ठ र प्रतिष्ठित संस्था बनाउने दावी गर्दै गिरीले आफू पैसा खर्च भएको उपकुलपति नभएको जिकिर गर्नुभयो ।गिरीलाई प्रतिष्ठानका कार्यबहाक उपकुलपति प्रा.डा.गुरु खनालसहितले स्वागत गर्नुभएको थियो ।
