धरान ।
सुनसरीको धरानबाट खुकुरी प्रहार गरि तीन जनालाई घाइते बनाइएको आरोपमा एक युवालाई पक्राउ गरिएको छ ।
धरान उपमहानगरपालिका–१२ का २६ वर्षीय शुभराज राईसमेत तीन जनालाई धारिलो हतियार खुकुरी प्रहार गरी घाइते बनाएको अभियोगमा ताप्लेजुङको सिम्ले घर भई धरान–१९ बस्ने २५ वर्षीय मिलन राई पक्राउ परेका हुन् ।
राईलाई आइतबार बिहान पक्राउ गरिएको हो । इलाका प्रहरी कार्यालय धरानबाट खटिएको प्रहरीको टोलीले उनलाई नियन्त्रणमा लिएको हो । राईले गरेको खुकुरी प्रहारबाट घाइते तीन जनालाई उपचारको लागि वीपी प्रतिष्ठान धरान लगिएको प्रहरीले जनाएको छ । घटनाको बारेमा थप अनुसन्धान भईरहेको छ ।
