श्रम संस्कृति पार्टीले कोशी प्रदेशको भावी मुख्यमन्त्रीको रुपमा सुदन किराँतीलाई अगाडि सार्ने !

विराटनगर । हालै श्रम संस्कृति पार्टी प्रवेश गरेका सुदन किरातीलाई सो पार्टीले कोशी प्रदेशमा मुख्यमन्त्रीको रूपमा अघि सार्ने तयारी गरेको छ ।

पूर्वमन्त्रीसमेत रहेका किरातीलाई मुख्यमन्त्रीमा अघि सार्न अध्यक्ष हर्क साम्पाङले सामाजिक सञ्जालमार्फत राय मागेका छन् । उनले लेखेका छन्, ‘हाम्रा पार्टीबाट श्रमदाता सुदन किराती ज्युलाई प्रदेश १ को मुख्य मन्त्री बनाउँदा कसो होला ? आफ्नो राय दिनुस् त !’

किराती दुई दिनअघिमात्र औपचारिक रूपमा श्रम संस्कृति पार्टी प्रवेश गरेका थिए ।