काठमाडौँ ।प्रधानमन्त्री बालेन्द्र (बालेन) शाहले संघीय सरकारको कार्यबोझ र प्रशासनिक खर्च घटाउन ठुलो प्रशासनिक हेरफेरको तयारी थालेका छन् । उनले हाल कायम रहेका २५ वटा मन्त्रालयलाई कटौती गरी १७ वटामा झार्ने योजना अघि बढाएका हुन् ।
प्रधानमन्त्रीको सचिवालयका अनुसार ८ वटा मन्त्रालयलाई अन्य मन्त्रालयमा गाभ्ने गरी १७ वटा मन्त्रालयको नयाँ खाका तयार भइसकेको छ । बालेनले यस प्रस्तावलाई मन्त्रिपरिषद्बाट पारित गराउने अन्तिम तयारी गरेका छन् ।
नयाँ संरचना अनुसार युवा तथा खेलकुद, सहरी विकास, खानेपानी तथा सरसफाइ र संघीय मामिला तथा सामान्य प्रशासन मन्त्रालय अब स्वतन्त्र अस्तित्वमा रहने छैनन् ।
चारवटा साविकका मन्त्रालयहरूलाई खारेज गरेर अब ‘सामाजिक सुरक्षा तथा महिला बालबालिका र लैङ्गिक तथा यौनिक अल्पसंख्यक मामिला मन्त्रालय’ अन्तर्गत राखिने भएको छ । भौतिक पूर्वाधार तथा यातायात, सहरी विकास र खानेपानी मन्त्रालयलाई एकीकृत गरी ‘एकीकृत पूर्वाधार मन्त्रालय’ बनाइनेछ । यस मन्त्रालयले पूर्वाधार क्षेत्रको सफाइ र ढल निकाससम्बन्धी काम गर्नेछ । स्वास्थ्य मन्त्रालयमा अब खाद्य सुरक्षाको पाटो पनि थपिनेछ ।शिक्षा मन्त्रालयमा खेलकुदलाई गाभेर शिक्षा तथा खेलकुद मन्त्रालय बनाइने भएको छ ।
प्रधानमन्त्री बालेनले परिकल्पना गरेका १७ मन्त्रालयहरू
१. प्रधानमन्त्री तथा मन्त्रिपरिषद्को कार्यालय
२. अर्थ मन्त्रालय
३. गृह मन्त्रालय
४. परराष्ट्र मन्त्रालय
५. कानुन, न्याय तथा संसदीय मामिला मन्त्रालय
६. स्वास्थ्य तथा खाद्य सुरक्षा मन्त्रालय
७. शिक्षा तथा खेलकुद मन्त्रालय
८. कृषि, भूमि, सहकारी तथा ग्रामीण विकास मन्त्रालय
९. सामाजिक सुरक्षा तथा महिला बालबालिका र लैङ्गिक तथा यौनिक अल्पसंख्यक मामिला मन्त्रालय
१०. उद्योग, वाणिज्य तथा नवप्रवर्तन मन्त्रालय
११. युवा तथा रोजगार मन्त्रालय
१२. ऊर्जा, सिँचाइ तथा जलस्रोत मन्त्रालय
१३. एकीकृत पूर्वाधार मन्त्रालय
१४. वन, पर्यावरण तथा जलवायु मन्त्रालय
१५. संस्कृति, पर्यटन तथा नागरिक उड्डयन मन्त्रालय
१६. सञ्चार मन्त्रालय
१७. रक्षा मन्त्रालय
प्रतिक्रिया दिनुहोस्
यस लेखमा प्रतिक्रिया बन्द गरिएको छ।