सुनसरी। आगामी प्रतिनिधि सभा निर्वाचन नजिकिँदै जाँदा सुनसरी निर्वाचन क्षेत्र नं.२ मा चुनावी सरगर्मी तीव्र बन्दै गएको छ । विभिन्न राजनीतिक दलहरूले घरदैलो तथा भेटघाट कार्यक्रम सक्रिय रूपमा सुरु गरेका छन्। गत निर्वाचनमा नेकपा एमालेका भीम आचार्य विजयी भएका यस क्षेत्रको राजनीतिक वातावरण भने यसपटक उल्लेख्य रूपमा बदलिएको छ ।
गत भदौको जेन्जी आन्दोलनले एमाले, कांग्रेस लगायत पुराना दलहरुमा गहिरो प्रभाव परेसंगै उनीहरु गत निर्वाचनहरुमा जसरी खुलेर प्रचार प्रसार गर्न सकिरहेका छैनन् । यहि अवस्थामा कुलमान घिसिङ नेतृत्वको उज्यालो नेपाल पार्टीबाट सुनसरी क्षेत्र नं. २ मा उम्मेद्वार बनेका २७ वर्षीय युवा गोपाल तामाङले भने आफ्नो घरदैलो कार्यक्रमलाई तीब्र बनाएको बताएका छन् ।
केहि दिन अघि कुलमान घसिङलाई इटहरीमा भव्य स्वागत गरेर आफ्नो प्रभाव देखाएका गोपाल तामाङ इटहरीमा युवाहरुमाझ लोकप्रिय छन् । उनले अर्थशास्त्रमा स्नातकोत्तर अध्ययन सकेका छन भने कानुनमा स्नातक अन्तिम वर्ष अध्ययरत छन् । अध्यापन पेशामा रहेका उनी रेडक्रसको सदस्य, सरस्वती सामुदायिक वन उपभोक्ता समूह, रकी फुटबल क्लब र उर्गेन छ्योलिङ गुम्बाको सल्लाहकार पनि रहेका छन् ।
यस क्षेत्रमा शहरी तथा शिक्षित जनमत धेरै रहेकोले यस निर्वाचनमा उम्मेद्वारको योग्यता हेरेर मतदान हुने र त्यसका लागि अरु कुनै पनि उम्मेद्वार भन्दा आफु योग्य रहेको उनको दाबी छ ।
प्रतिक्रिया दिनुहोस्
यस लेखमा प्रतिक्रिया बन्द गरिएको छ।