विराटनगर । नेपाली बजारमा आज बिहीबार सुन–चाँदीको मूल्य घटेको छ । बुधबार प्रतितोला १० हजार ४ सय रुपैयाँ बढेर हालसम्मकै उच्च विन्दुमा पुगेको सुनको भाउ आज भने ओरालो लागेको हो ।
नेपाल सुनचाँदी व्यवसायी महासंघका अनुसार आज सुन प्रतितोला २ लाख ९२ हजार २ सय रुपैयाँमा कारोबार भइरहेको छ । अघिल्लो दिन प्रतितोला २ लाख ९५ हजार १ सय रुपैयाँमा कारोबार भएको सुन आज प्रतितोला २ हजार ९ सय रुपैयाँले घटेको हो ।
चाँदीको मूल्य पनि आज घटेको छ । बुधबार प्रतितोला ५ हजार ९२० रुपैयाँमा कारोबार भएको चाँदी आज ५ हजार ८७० रुपैयाँमा कारोबार भइरहेको छ । यो अघिल्लो दिनको तुलनामा प्रतितोला ५० रुपैयाँले कम हो ।
यसैबीच अन्तर्राष्ट्रिय बजारमा आज सुन प्रतिऔंस ४ हजार ७ सय ९७ अमेरिकी डलरमा कारोबार भइरहेको छ ।
प्रतिक्रिया दिनुहोस्
यस लेखमा प्रतिक्रिया बन्द गरिएको छ।