विराटनगर । विराटनगरबाट हिँडेको यात्रुबहाक बस सप्तकोशी नदीमा खसेको छ । केही बेरअघि कोशी ब्यारेजको पुलबाट बस खसेको जानकारी आएको सुनसरी प्रहरीले जनाएको छ ।
को १ ख ४६०१ नम्बरको नर्सिङ डिलक्स बस यात्रुसहित सप्तकोशी नदीमा खसेको जानकारी आएपछि आफूहरु घटनास्थलतर्फ जाँदै गरेको सुनसरीका प्रमुख जिल्ला अधिकारी रामचन्द्र तिवारीले जानकारी दिए । साँझ ६ः०५ बजेतिर बस खसेको अनुमान छ ।
बस अनियन्त्रित भएर पुलको बार भत्काउँदै नदीमा खसेको प्रहरीले जनाएको छ । घटनामा भएको क्षतिको विवरण आइसकेको छैन । बस विराटनगरबाट उदयपुरको गाइघाटको लागि हिँडेको बुझिएको छ ।
