काठमाडौं । धितोपत्र दोस्रो बजार मापक नेप्से परिसूचक आर्थिक वर्ष २०८१/०८२ को पहिलो नै ७० अंकले बढेको छ ।
नेप्से परिसूचक ३.१३ प्रतिशतले वृद्धि भएर २३१०.५९ विन्दुमा बन्द भएको छ । ६ महिनापछिकै उच्च मूल्यको सेयर कारोबार भएको हो । यसअघि माघ ३ गते ९ अर्ब ९६ करोड रुपैयाँको सेयर कारोबार भएको थियो । सोमबार नयाँ सरकार गठन भएको दिन नेप्से १७.१८ अंकले घटेको थियो ।
त्यसअघिका दिनमा बजार निरन्तर बढेकाले सोमबार बजारमा करेक्सन भएको लगानीकर्ता बताउँछन् । आज नौ अर्ब १३ करोड ८६ लाख रुपैयाँको सेयर कारोबार भएको छ । सोमबार आठ अर्ब ७३ करोड ८६ लाख रुपैयाँको सेयर कारोबार भएको थियो ।
आज २३४ कम्पनीको सेयर मूल्य बढेको छ भने आठ कम्पनीको सेयर मूल्य घटेको छ । पाँच कम्पनीको सेयर मूल्य १० प्रतिशतले वृद्धि भएको छ । आज अधिकांश ऋणपत्रका मूल्य घटेको छ ।
