विराटनगर । विराटनगरस्थित एक होटलमा सिटिजन बैंकमा कार्यरत कर्मचारी मृत फेला परेका छन् ।
सोमबारदेखि बेपत्ता भएका सिटिजन बैंकका कर्मचारी क्षितिज घिमिरे विराटनगर ९ कलेज रोडस्थित होटल रोयल किचेनमा मृत फेला परेका हुन् ।
घिमिरेको शव होटलको कोठा नम्बर १०९ मा मंगलबार बिहान भेटिएको मोरङ प्रहरीले जनाएको छ । प्रहरीले घटनाबारे अनुसन्धान सुरु गरेको जानकारी दिएको छ ।
क्षितिज सम्पर्कविहिन भएको भन्दै आफन्तहरुले सोमबार प्रहरीलाई खोजतलास गरिदिन निवेदन दिएका थिए ।