काठमाडौं । राष्ट्रपति रामचन्द्र पौडेल र प्रधानमन्त्री पुष्पकमल दाहाल प्रचण्डले आईसीसी क्रिकेट विश्वकप लिग–२ मा विजयी बन्दै विश्वकप क्वालिफायर खेल्न पाउने बनेकोमा बधाई दिएका छन् ।
नेपाली टोलीले डीएल मेथोडका आधारमा यूएईलाई ९ रनले हराउँदे जिम्बाब्वेको यात्रा तय गरेपछि दुवैले बधाई दिएका हुन्।राष्ट्रपति पौडेलले खेलाडीहरुलाई बधाई पनि दिएका छन्।
नेपाल विश्वकप छनोटमा पुग्न सफल भएकोमा प्रधानमन्त्री पुष्पकमल दाहाल प्रचण्डले पनि खुसी व्यक्त गरेका छन्।
लिगका खेलहरुमा उच्च कौशलता प्रदर्शन गर्दै नेपालको स्वाभिमान र गौरव उँचो राख्न सफल भएको भन्दै प्रधानमन्त्री प्रचण्डले बधाइ दिएका छन ।
त्यस्तै पूर्वप्रधानमन्त्री शेरबहादुर देउवा र एमाले अध्यक्ष केपी शर्मा ओलीले पनि बधाइ दिएका छन । यूएईलाई हराउँदै नेपाल एकदिवसीय विश्वकप छनोटमा पुगेकोमा बधाई दिएका छन्।
