काठमाडौ । नेपालले यूएईविरुद्ध रोमाञ्चक जीत गरेको छ । घरेलु टोलीविरुद्ध ४२ रनको जीत निकाल्दै नेपालले महत्त्वपूर्ण २ अंक बटुलेको हो । यससँगै ३२ अंकका साथ नेपाल अंक तालिकाको पाचौं स्थानमा उक्लिएको छ ।
अब नेपालमा हुने ४ खेलमा जीत निकाल्न सके नेपाल शीर्ष ३ मा परेर सिधै विश्वकप क्वालिफायरमा पुग्ने छ भने थप २ जीत दर्ता गर्दा १ दिवसीय मान्यता जोगिने छ ।
२३० रनको विजयी लक्ष्य पछ्याएको यूएई अलआउट हुन पुग्यो । यूएईलाई लक्ष्यसम्म पुग्न नदिने क्रममा दीपेन्द्रसिंह ऐरी र सोमपाल कामीले शानदार बलिङ गरेका थिए ।
यसअघि भीम सार्कीको ७०, आरिफ शेखको ४३, कुशल मल्लको ३२ र सन्दीप लामिछानेको २७ रनको मद्दतले नेपालले २२९ रनको योगफल तयार पारेको थियो ।
यससँगै नेपालले यूएई सिरिजका ४ मध्ये ३ खेलमा जीत हात पारीसकेको छ ।
