विराटनगर । विराटनगर– ५ स्थित एभरेस्ट कलेमा ‘एभरेस्ट कार्निभल’ २०७९ सुरु भएको छ । कलेज परिसर भित्र शुक्रवार देखी एभरेस्ट कार्निभल सुरु भएको हो ।
पहिलो दिन एभरेस्ट कलेज परिसरमा विद्यार्थीहरूले विभिन्न स्टलमा विषय अनुसारका प्रदर्शनी गरेका छन् । विभिन्न १८ वटा स्टलमा विद्यार्थीहरूले कला संस्कृति झल्कने देखि प्राचीन उपकरण र आधुनिक उपकरण बिचको भिन्नता छुट्टाउने गरी मिनी म्युजियम, पुस्तक प्रदर्शनी देखि फुड स्टल समेत सञ्चालन गरेका छन् ।
यस्तै प्लानेटेरियमको अवलोकनबाट विद्यार्थी तथा अभिभावकहरू उत्साही देखिएका छन् । सोही क्रममा प्ले ग्रुपदेखि प्राथमिक तहको अभिभावक दिवस समेत मनाइएको छ । जसमा बालबालिकाहरूले विभिन्न प्रस्तुति देखाएर अभिभावक र अतिथिलाई मनोरञ्जन दिलाए ।
