विराटनगर । विराटनगरमा जारी तेस्रो संस्करणको विराटनगर बास्केटबल कप प्रतियोगितामा दुई वटा स्कुल विजयी भई दोस्रो चरणमा प्रवेश गरेको छ ।
विराटनगरमा मंगलबार भएको खेलमा पुरुषतर्फ पोखरीया स्कुललाई १३ –११ अङ्कले पराजित गर्दै बुढानीलकण्ठ स्कुल विजयी भएको हो ।
सोही दिन भएको महिलातर्फको दोस्रो खेलमा पनि अरनिको स्कुललाई ४ –२ अङ्कले पराजित गर्दै पोखरीया स्कुल विजयी भएको हो ।
बुधवार पुरुषतर्फका तीन खेलहरू हुनेछन् । पहिलो खेल पोखरीया र बिकेभिएम स्कुल बिच हुनेछ । सोही दिन हुने दोस्रो खेलमा बुढानीलकण्ठ र सगरमाथा स्कुलबिच हुनेछ ।
तेस्रो खेल बिकेभिएम र बुढानीलकण्ठ स्कुलबिच प्रतिस्पर्धा हुनेछ । महिलातर्फ पोखरीया स्कुल र बुढानीलकण्ठ स्कुलबिच प्रतिस्पर्धा हुनेछ ।
