विराटनगर दरैयामा ५० करोड लगानीमा कृषि फर्म, ५ हजार लिटर दूध उत्पादन गर्ने लक्ष्य

विराटनगर । होटल व्यवसायमा लामो समय बिताएका विराटनगरका दुई युवाले आधुनिक कृषि उद्यममा हात हालेका छन् ।

पहिलो चरणमा ८ करोडको लगानीमा विराटनगर १२ का सञ्जय चापागार्इँं र गजेन्द्र शर्मा बञ्जराले सोही वडाको दरैया बस्तीमा आधुनिक कृषि उद्यम सञ्चालन गरिरहेका छन् ।

लामो समय होटल व्यवसाय गरेका चापाागाइँ र बन्जराले ५० करोड रुपैयाँ लगानी गर्ने लक्ष्यसहित बञ्जरा कृषि फार्म स्थापना गरेका हुन् । दुई सय वटा गाई पाल्ने लक्ष्यसहित स्थापना गरिएको फार्ममा अहिले ५० वटा गाई छन् । अहिले पहिलो चरणको काम अगाडि बढ्दै गर्दा फार्मले दैनिक ८ सय लिटर दूध उत्पादन गर्न थालेको छ । आउँदो वैशाख महिनादेखि दैनिक १५ सय लिटर दूध उत्पादन गर्नेगरी कामलाई तीब्रता दिएका छन् । वैशाख अघिनै गाईको संख्या एक सय वटा पु¥याउने सञ्चालक सञ्जय चौलागाईँले बताए ।

अहिले फार्ममा २५ देखि ४२ लिटरसम्म दूध दिने होलस्टेन जर्सी गाईहरू छन् । केही दिन भित्रै थप १५ वटा गाई भारतको पञ्जाबबाट आइपुग्ने फार्मले जनाएको छ । फार्मले पहिलो चरणको काम सम्पन्न गर्नासाथ उत्पादित गुणस्तरीय दूधलाई आउँदो वैशाख महिनादेखि बोटलिङ गरी बजारमा लैजाने तयारी गरेको छ ।

तीन चरणमा ५० करोड लगानी गर्ने लक्ष्य राखेर ८ महिनाअघि सुरु गरेको कृषि फार्मले अटोमेटिक प्रविधिमा आधारित डेरी उद्योग सञ्चालनको तयारी पनि गरेको छ । अटोमेटिक प्रणालीमा जाँदा कम जनशक्तिमा धेरै काम गर्न सकिने भएकोले फार्मलाई पूर्णरुपमा अटोमेटिक बनाइने गरी संरचना निर्माणको काम जारी छ । गाईलाई घाँस तथा पानी खुवाउने, गोबर सोहोर्ने, दूध दुहुने सबै काम आधुनिक उपकरणबाट स्वचालित हुनेछन् ।

उपकरणकै कारण दुई सय वटा गाई दुहुनका लागि दुई जना जनशक्ति लाग्ने फार्मले जनाएको छ । फार्म पूर्णरुपमा सञ्चालनमा आएपछि दैनिक ५ हजार लिटर दूध र ५ सय किलोग्राम तरकारी उत्पादन गरी बजारमा पठाउने योजना अनुसार फार्मले काम गरिरहेको छ ।

दरैयाबस्तीमा ५ बिघा जग्गा खरिद गरेर सुरु गरेको फार्ममा पालिएका गाईलाई फार्म आफैंले उत्पादन गरेको गुणस्तरीय साइलेज खुवाउने गरिएको छ । त्यसका लागि सुनसरीको देवानगञ्जका किसानहरुसँग ५० बिघा खेतमा मकैखेती गर्ने सम्झौता गरेको छ । किसानहरुले वर्षको दुई सिजन मकैखेती गरी साइलेज बनाउन यो फार्मलाई दिने गरेका छन् ।

फार्मले मकै काट्ने र साइलेज बनाउने ‘मोवाइल मेसिन’ किसानको खेतमै पु¥याउने गरेको छ । खेतमा रोपेको मकै ८५ औं दिनमा काटेर साइलेज बनाइरहेको र आगामी दिनमा थप क्षेत्रफलका लागि किसानसँग सम्झौता गर्ने तयारी भइरहेको चापागाईँले जानकारी दिए ।

फार्मले दूधसँगै विकसित जातका गाईको नश्ल उत्पादनमा विशेष जोड दिँदै उन्नत जातका गाईका बाछीहरु किसानहरुलाई उपलब्ध गराउने लक्ष्य पनि राखेको छ । युवा जनशक्ति कृषि पेशाबाट विमुख भइरहेको बेला चापागाईं र बन्जराले पेशा परिवर्तन गरी कृषिमा लगानी गर्ने आँट गरेको भन्दै पशु सेवा विभागका उप–महानिर्देशक डाक्टर लेखराज दाहालले सरकार र अन्य सरोकारवालाहरुले प्रोत्साहन गनुर््पर्ने बताएका छन् । मंगलबार फार्मको अनुगमनका लागि आइपुगेका उप–महानिर्देशक दाहालले भने ‘यसरी कृषिक्षेत्रमा लागेका उत्साही युवाहरुले अरुलाई पनि प्रेरित गरिरहेका हुन्छन् ।’

मङ्गलबार, २७ पुष, २०७८, साँझको ०५:३५ बजे

प्रतिक्रिया

  1. congratulations with great success in coming future . I am very happy for start this dairy business with fulfill the milk and its products to the Nation . There is great opportunity and challenges in this business . I Want to say that HAPPY COW WITH GREAT HAPPINESS . More focus on feed ( 60 to 70 % investment ) and 30% in other cost . Best feed with silage or Hay . Concentrate feed is under cost effective. One skillful vet is must need for Technical background in fulltime or Partial in close observation . Our cow is live animal . Investor must with close welfare for giving happy to our cow . overall Management for shed , feeding , clean water , prevention , good sanitation , Most preventing Diseases Mastitis and Repeat breeding . lot of lands for grass , free movement on land at least 5 hrs in a day and its prevention 30 % production from loss. This is the research of The Netherlands Cow farming .what I leant from International Dairy Entrepreneurship training , The Netherlands . I have acquired knowledge and skills in dairy farming from European country. I want for your success business . DR RAM KUMAR MANDAL , FREE LAUNCER . MObile no. 9851240211

प्रतिक्रिया:

सम्बन्धित खवर