विराटनगर । नेकपा एमालेको विराटनगर नगरसम्मेलनबाट पुनः सागर थापा अध्यक्षमा चयन भएका छन् ।
हिंजो उद्घाटन भएको नगर सम्मेलनमा अध्यक्षका आकांक्षी पर्शुराम बस्नेत र थापा रहेका थिए । दुवै पक्ष पछि नहटेपछि हिंजो नेतृत्व चयनमा समस्या भएको थियो । आज अबेरसम्ममा बस्नेत पछि हटेसँगै थापालाई सर्वसम्मत अध्यक्ष चयन गरेको हो ।
सम्मेलनबाट उपाध्यक्षमा शिल्पा कार्की, सचिवमा रोहित कोइराला र उपसचिवमा नवराज नेपाल टुप्पी र जयप्रकाश महतो चयन भएका छन् ।
