विराटनगर । स्वास्थ्य सेवा र मेडिकल शिक्षा सुधारको माग गर्दै अनसनरत डा. गोविन्द केसीको समर्थनमा नेपाली काग्रेंस कटहरी गाउँपालिकाले सोमबार प्रदर्शन गरेको छ ।
डा. केसीको पक्षमा ऐक्यवद्धता जनाउन दर्जनौंका संख्यामा समर्थकहरु सडकमा भेला भएका थिए । आई एम विथ डा. केसी,एक केसी दुई तीहाई भन्दा बेसी जस्ता नारा लेखिएको प्लेकार्ड सहित भेला भएका समर्थकहरुले नेपाली काग्रेंसका स्थानीय नेताहरुले जनताको पक्षमा आवाज उठाउने सत्याग्रहीको आवाज सरकारले नसुनेको भन्दै विरोध गरेका थिए ।
