विराटनगर । नेपालमा शुक्रबार एकैदिन २ हजार ७२२ जनामा कोरोना भाइरसको संक्रमण पुष्टि भएको छ ।
थप २७ सय २२ जनामा कोरोना पुष्टि भएसँगै संक्रमितको संख्या ८२ हजार ४८५ पुगेको स्वास्थ्य तथा जनसंख्या मन्त्रालयले जनाएको छ ।
मन्त्रालयका प्रवक्ता प्रा. डा. जागेश्वर गौतमका अनुसार विभिन्न प्रयोगशालामा गरिएको १४ हजार ७३९ जनाको परीक्षणमा थप २७ सय २२ जनामा कोरोना संक्रमण पुष्टि भएको हो । कुल संक्रमितमध्ये सक्रिय संक्रमितको संख्या २१ हजार २३४ रहेको छ ।
शुक्रबार ३ हजार ३०७ संक्रमित डिस्चार्ज भएका छन्। शुक्रबारको संक्रमित र डिस्चार्ज संख्या अहिलेसम्मकै उच्च हो ।
