विराटनगर । सुनसरीको धरान स्थित पुरानो बजारबाट प्रहरीले लागुऔषध सहित दुई जनालाई पक्राउ गरेको छ ।
पक्राउ पर्नेमा २३ वर्षे गणेश राउत र ४३ वर्षे निरज भट्टराई छन् । प्रहरीले विशेष सुराकका आधारमा बिहीबार राति ९ बजेको समयमा उनीहरुलाई पक्राउ गरेको हो ।
अभियुक्तहरुको कोठा निरीक्षणका क्रममा २० बोतल डाइलेक्सडिसी, ३०६ क्याप्सुल स्पामो टोक्सिभन , ४ क्याप्सुल नाईट्रोजन र नगद ९७ हजार रुपैया बरामद गरेको जिल्ला प्रहरी कार्यालय सुनसरीले जनाएको छ ।
