विराटनगर । लायन्स क्बल अफ गोग्राह विराटनगरले १ नम्बर सशस्त्र प्रहरी गण विराटनगरलाई मास्क र सेनिटाइजर वितरण गरिएको छ ।
क्बलले बुधबार एक कार्यक्रम आयोजना गरि गणमा कार्यरत प्रहरीहरूलाई ‘एन नाइन्टी फाइम’ मास्क, सेनिटाइजर र साबुन वितरण गरेको हो ।
प्रदेशमा सबैभन्दा बढी संक्रमण देखिएको गणमा कार्यरत प्रहरीको स्वास्थ्य अवस्थामा मध्यनजर राख्दै आवश्यक स्वास्थ्य सामाग्री वितरण गरेको लायन्स क्बल अफ गोग्राहको संस्थापक अध्यक्ष तेजलाल कर्णले जानकारी दिनुभयो ।
क्बलले गणमा कार्यरत प्रहरीलाई ४ सय थान एन नाइन्टी फाइफ मास्क, सेनिटाइजर र साबुन वितरण गरिएको कर्णले बताउनु भयो । प्रदेशको सशस्त्र प्रहरी गणमा कार्यरत करिब ९० जना प्रहरीलाई संक्रमण देखिएको छ । संक्रमित प्रहरी गणले बनाएको आइसोलेशनमा छन् ।
