निजी क्लिनिक र अस्पतालमा आकस्मिक बाहेक सबै सेवा बन्द

विराटनगर । अस्पताल, स्वास्थ्य संस्था र स्वास्थ्यकर्मीहरुमा कोरोना संक्रमण बढिरहेको भन्दै नेपाल मेडिकल एशोसिएसन कोशीले आकस्मिक बाहेक सबै सेवा बन्द गरी घरबाटै सेवा दिन आग्रह गरेको छ ।

एशोसिएसनका अध्यक्ष फरवार्ड सिलवालले शनिबार प्रेस विज्ञप्ति जारी गरी टेलिफोन तथा अन्य माध्यमबाट सेवा दिन चिकित्सकहरुलाई आग्रह गर्नुभएको हो ।

विज्ञप्तिमा भनिएको छ, ‘हाल चिकित्सक, नर्स तथा स्वास्थ्यकर्मीहरुमा समेत संक्रमण देखिरहेको अवस्थामा सम्पूर्ण अस्पताल, नर्सिङ्ग होम, मेडिकल कलेज, आँखा अस्पताल, निजी क्लिनिकहरुमा समेत आकस्मिक सेवा बाहेकका अन्य सेवाहरु बन्द गरि घर बाटै टेलिफोन तथा अन्य प्रविधि मार्फत विरामीहरुलाई स्वास्थ्य परामर्श प्रदान गरिदिनु हुन अनुरोध गर्दछौ ।’

अध्ययनहरुले संक्रमण भएको १४ दिनसम्म भाइरस आफैं निष्कृय हु“दै जाने देखाएकोले लकडाउन पूर्ण पालना गर्न र धैर्य भएर घरमै बस्नसमेत डा. सिलवालले आग्रह गर्नुभएको छ ।

प्रदेश नम्बर १ र विराटनगरमा समेत भाइरस तिब्र गतिमा फैलिरहेको र संक्रमणको स्रोतपनि पनि पहिचान नहुने अवस्थाले समुदायसम्म संक्रमण पुगिसकेको छ भन्ने पुष्टि भएकोले भयावह हुन नदिन लकडाउन कार्यान्वयनमा सहयोग गर्नुपर्ने विज्ञप्तिमा उल्लेख छ ।

शनिबार, १७ साउन, २०७७, साँझको ०५:५३ बजे

One thought on “निजी क्लिनिक र अस्पतालमा आकस्मिक बाहेक सबै सेवा बन्द

  1. यो लक्दाउन को अबस्था मा अफिसहरु पनि बन्द हुनुपर्छ।

प्रतिक्रिया:

सम्बन्धित खवर