विराटनगर । मोरङको कटहरी गाउँपालिका–२ स्थित आदर्श टोलबाट अवैद्य काठ बोकेर विराटनगरतर्फ आउँदै गरेको अवस्थामा ट्रयाक्टरसहित २ जनालाई प्रहरीले नियन्त्रणमा लिएको छ ।
प्रहरीले ‘को २ त ३२४८’ नम्बरको ट्रयाक्टरसहित रंगेली नगरपालिका–३ बस्ने २७ बर्षीय चालक मेघनाथ मण्डल र विराटनगर–६ रामपुर बस्ने २० बर्षीय सह–चालक ओम प्रकाश कुमार यादवलाई नियन्त्रणमा लिएको हो । जिल्ला प्रहरी कार्यालय मोरङ तथा सिआरभी कटहरीबाट खटिएको प्रहरी टोलीले अवैद्य काठको गोलिया चोरी गरेर विराटनगरतर्फ ल्याउँदै गरेको अवस्थामा उनीहरुलाई पक्राउ गरि नियन्त्रणमा लिएको हो ।
ट्रयाक्टरसहित चालक र सह–चालकलाई थप अनुसन्धानका लागि डिभिजन वन कार्यालय मोरङमा बुझाउने पहल भईरहेको जनाईएको छ ।
