विराटनगर। लायन्स क्लव अफ बुढीगंगा एक्टिभद्वारा बुढीगंगा मोरङका विभिन्न स्थानमा ट्राफिक प्रहरीलाई सर्जिकल मास्क तथा ग्लोव्स र एन ९५ मास्क हस्तान्तरण गरेको छ ।
मनमोहन चोक, टंकी चोक र पुष्पलाल चोकमा सर्वसाधरणलाई हात धुनका लागि अत्यावश्यक पानी राख्ने ट्याङ्कीसमेत राखिएको लायन्स क्लव अफ बुढीगंगा एक्टिभका कोषाध्यक्ष सुनिता कार्कीले बताउनु भयो ।
समाजलाई कोरोनाबाट बचाउने समाजप्रतिको दायित्व लायन्स क्लवको पनि भएको र लायन्स क्लवले आफ्नो दायित्व निर्वाह गर्ने क्रममा यस्ता कार्यक्रम सञ्चालन गरेको जानकारी कार्यक्रमका सहभागी वक्ताहरुले गराउनु भयो ।
कार्यक्रमको संयोजन लायन मोहमद हस्मुदिन मियाले गर्नु भएको थियो भने प्रमुख अतिथि डिस्ट्रिक गभर्नर ३२५ ए१ इन्द्र बहादुर खत्री ‘राजन’ र विशेष अतिथिद्वय फस्ट भाइस डिस्ट्रिक गभर्नर रेवत ब. कार्की र लायन्स क्लव अफ विराटनगर एक्टिभका एड्भाइजर पुष्प कुमार श्रेष्ठको उपस्थितिमा कार्यक्रम सम्पन्न भएको थियो ।
