विराटनगर । मौसम पूर्वानुमान महाशाखाले आज शनिबार देशभर वर्षाको सम्भावना रहेको भन्दै सजग गराएको छ ।
देशभर मेघगर्जसहित वर्षा हुने सम्भावना रहेको र सुदुरपश्चिम, प्रदेश ५ र प्रदेश १ मा वर्षा भइरहेको भन्दै महाशाखाले केही स्थानमा भारी वर्षाको सम्भावना रहेको जनाएकोछ ।
महाशाखाले प्रकाशन गरेको बुलेटिनअनुसार आज राति पनि देशका धेरै स्थानमा हल्कादेखि मध्यमसम्म वर्षा जारी रहनेछ ।
बिहान ६ बजे सार्वजनिक गरिएको बुलेटिनमा आगामी २४ घण्टा देशका धेरै स्थानहरुमा मेघगर्जन र चट्याङसहित वर्षा हुनुको नदीहरुमा पानीको बहाव बढ्ने, भूक्षय हुने, पहिरो जाने, सडक तथा हवाई यातायात प्रभावित हुने र तराई क्षेत्रमा डुवानकोसमेत सम्भावना रहेकोले सर्तक रहन भनिएको छ ।
