विराटनगर । प्रधानमन्त्री केपी शर्मा ओलीले आज मध्यान्ह १२ बजेका लागि मन्त्रिपरिषद्को बैठक बोलाउनुभएको छ ।
बिहान ११ पार्टी स्थायी समितिको बैठक बोलाइएको भएपनि उहाँ बैठकमा नगई राष्ट्रपति निवास तर्फ लाग्नुभएको छ ।
बिहीबार नियमित मन्त्रिपरिषद् बैठक भएपनि मध्यान्हमै बैठक बोलाउनुलाई नेताहरुले अर्थपूर्णरुपमा लिएका छन् ।
प्रधानमन्त्रीले राष्ट्रपतिसँग छलफल गरी राष्ट्रिय राजनीतिलाई नयाँ मोड दिने गरी कुनै निर्णय गर्न खोजेको अर्थमा नेताहरुले यो भेटघाटलाई लिएका छन् ।
स्रोतका अनुसार संसदको जाही बजेट अधिवेशन अन्त्य गर्ने निर्णय मन्त्रिपरिषद्ले गर्न लागेको छ । संसद अधिवेशन अन्त्य भएको खण्डमा आफुमाथि अविश्वासको प्रस्ताव तत्काल दर्ता हुने सम्भावना अन्त्य भई सरकार छोड्नु पर्ने अवस्था केही समय पर सार्न सकिने निष्कर्श प्रधानमन्त्री निकट नेताहरुले निकालेका छन् ।
