विराटनगर । मोरङ जहदा गाउँपालिका वडा नं. ३ जयरामपुरमका नेफालाल राजबंशीको परिवारलाई ह्याण्ड पम्प ट्यूबवेल कल प्रदान गरिएको छ।
राजवंशीलाई कांग्रेसका युवा नेता तथा ह्यूमानिटी फाउन्डेशनका संस्थापक अध्यक्ष सलिम अंसारीले कल प्रदान गर्नुभएको हो ।
नेफालाल राजबंशीका परिवार लामो समयदेखि छिमेकीको घरबाट पानी ल्याएर उपभोग गर्न बाध्य थिए । कोरोनाको त्रासले राजबंशी परिवारलाई छिमेकीले पानी लिन आउँदा पनि जोखिमपूर्ण हुने भन्दै लकडाउन अवधिभरी नआउन आग्रह गरेका थिए । त्यसपछि विपन्न राजबंशी परिवार समस्यामा परेको थियो । राहत वितरणका क्रममा पानी खान नपाएको गुनासो अन्सारीसमक्ष राजवंशीले सुनाएका थिए ।
सोही गुनासो सम्बोधन गर्न राजवंशी परिवारलाई कल दिएको अन्सारीले बताउनु भयो । अन्सारीले कल दिएपछि राजवंशी परिवारमा खुसीयाली छाएको छ । लकडाउनको समयमा अन्सारीले विभिन्न स्थानमा लगातार राहत वितरण गरिरहनु भएको छ ।
