विराटनगर । विराटनगर– १३ मा रहेको स्टार बोर्डिङ स्कूलले बाल मेलाको आयोजना गरेको छ । स्कूल परिसरमा शनिबार भब्य समारोहबीच प्रमुख अतिथि प्रतिनिधिसभा सदस्य तथा पूर्वमन्त्री शिवकुमार मण्डलले उद्घाटन गर्नुभयो ।
कार्यक्रममा पूर्वमन्त्री मण्डलले शिक्षालाई अन्तराष्ट्रिय स्तरका शिक्षामा विकाश गर्नुपर्नेमा जोड दिनुभयो ।
शिक्षालाई विज्ञान र प्रविधीसँग जोडेर शीप र संस्कारसहितको शिक्षा दिन आवश्यक रहेको मण्डलले बताउनुभयो । बाल मेलाले पाठ्यक्रममा मात्र नरहेर व्यवहारिक र सैद्धान्तिक कुरा सिक्न मद्दत गर्ने कार्यक्रमका सहभागीको भनाइ थियो ।
कार्यक्रममा प्रदेश १ का प्रदेशसभा सदस्य बसन्ती यादव, संस्थापक अध्यक्ष डा.उद्धव पोखरेल, स्कूलका भाइस प्रिन्सिपल मुनु पोखरेल, विद्यार्थी नेता राकेशरोशन यादवलगायतले बोलेका थिए ।
मेलामा विद्यार्थीहरुले सँस्कृति झल्कने नृत्य, गित गाएर उपस्थित सबैलाई भरपूर्ण मनोरञ्जन दिएका थिए ।
