विराटनगर । सामाजिक अभियान्ता सरु केसीको आज निधन भएको छ । लामो समयदेखि महिला तथा बालबालिकाको क्षेत्रमा क्रियाशील केसीको विराटनगरस्थित आफ्नै निवासमा निधन भएको हो ।
उनी नेपाल उद्योग वाणिज्य महासंघ कोशी प्रदेशकी सदस्य तथा महिला उद्यम समितिकी निवर्तमान सभापति रहेकी थिइन् । सामाजिक क्षेत्रमा निकै सक्रिय केसीले सेतो गुराँस मोरङको अध्यक्ष र जिल्ला बाल कल्याण समितिमा रहेर लामो समय समाज सेवा गरेकी थिइन् ।
उनको निधनले सामाजिक र व्यावसायिक क्षेत्रमा अपूरणीय क्षति पुगेको भन्दै विभिन्न संघ संस्थाहरूले गहिरो दुःख व्यक्त गरेका छन् ।
प्रतिक्रिया दिनुहोस्
यस लेखमा प्रतिक्रिया बन्द गरिएको छ।