विराटनगर। जेनजी आन्दोलनको नाममा सरकारी तथा सार्वजनिक सम्पत्तिमा क्षति पुर्याउने कार्यमा संलग्न भएको आरोपमा प्रहरीले इलामबाट १५ जनालाई पक्राउ गरिएको छ । पक्राउ परेकाहरुलाई प्रहरीले सार्वजनिक गरेको छ ।
आन्दोलन भएको करिब तीन महिना हुुन लाग्दा गएको मङ्सिर २० र २१ गते पक्राउ गरिएका ती व्यक्तिहरूलाई जिल्ला अदालतबाट अनुसन्धानका लागि म्याद थप गरी जिल्ला प्रहरी कार्यालय इलामले सार्वजनिक गरेको हो ।
प्रहरीले इलाम नगरपालिका–७ का ५२ वर्षे कमलकुुमार हलुुवाई, इलाम ६ का २९ वर्षे विशाल नौभाङ, इलाम ७ का ४० वर्षे पवित्तर मल्लिक, इलाम ९ का ३९ वर्षे होमबहादुर खवास, फाकफोकथुम ३ का २३ वर्षे आदर्श राई, इलाम ४ का ३६ वर्षे यावद तिवारी, इलाम ६ का ३० वर्षे अर्जुन त्रिखत्री, सन्दकपुर २ की २५ वर्षे अन्जुु राई, इलाम १ का ३० वर्षे सागर संग्रौला, मिक्वाखोला–२ ताप्लेजुङका ३२ वर्षे तेजकुमार विक, इलाम–१२ का २८ वर्षे अनिष राई, इलाम ५ का २३ वर्षे मोहनकुमार लिम्बू, झापा पृथ्वीनगर घर भई इलाम ५ बस्ने ४३ वर्षे सुरज गुरुङ, इलाम ९ का ४६ वर्षे टीकाराम चौहान र इलाम–९ का ३६ वर्षे सबिन राई रहेको इलामका डिएसपी लक्ष्मी भण्डारीले जानकारी दिए ।
आन्दोलनका क्रममा भदौ २४ गते प्रर्दशनकारीले नगरपालिकाका सम्पूूर्ण कागजात बाहिर निकालेर आगो लगाएका थिए भने नगरपालिकाकोे भवनभित्रै पसेर आगो लगाउँदा नगरपालिकामा क्षति पुुगेको थियो । यस्तै जिल्ला निर्वाचन कार्यालय इलामका पनि सबै कागजात र त्यहाँ रहेको सवारीमा समेत क्षति पुुगेको थियो ।
यस्तै, प्रर्दशनकारीले करदाता सेवा कार्यालयमा पनि क्षति गरेका थिए । करदाता सेवा कार्यालयका सबै कागजात बाहिर निकालेर प्रर्दशनकारीले आगो लगाएका थिए । कार्यालयको सवारीमा समेत क्षति पुगेको थियो ।
प्रर्दशनकारीले जिल्ला प्रशासन कार्यालय इलामको कार्यालयमा पनि ढुुङ्गा प्रहार गरी क्षति पुर्याएका थिए । प्रशासन कार्यालयको झ्यालका सिसाहरू फुटेका थिए । यस्तै जिल्लास्थित नेकपा एमाले पार्टीको पार्टी कार्यालय, कांग्रेसको पार्टी कार्यालय, नारायणस्थानमा रहेको तात्कालिन नेकपा माओवादी केन्द्रको पार्टी कार्यालयमा तोडफोड गरेर कागजातमा आगो लगाएका थिए । कुलधारामा रहेको तात्कालीन नेकपा समाजवादीको पार्टी कार्यालयमा रहेको कागजात र फर्निचरहरूमा समेत प्रर्दशनकारीले आगो लगाएर ध्वस्त पारेका थिए ।
प्रतिक्रिया दिनुहोस्
यस लेखमा प्रतिक्रिया बन्द गरिएको छ।