काठमाडौँ। वामदेव गौतम नेतृत्वको ‘नेपाल कम्युनिस्ट पार्टी एकीकरण अभियान’ नामक पार्टी खारेज भएको छ । गौतमले पार्टी खारेजीका लागि दिएको निवेदनपछि निर्वाचन आयोगले उक्त पार्टी खारेज गर्ने निर्णय गरेको हो ।
तत्कालीन नेकपा (एकीकृत समाजवादी) मा समाहित भएपछि गौतमले आफ्नो पार्टी खारेजीको लागि निवेदन दिएका थिए । एकीकृत समाजवादीलगायत १० दल तथा समूह मिलेर हालै ुनेपाली कम्युनिस्ट पार्टीु गठन भएको थियो, जसमा गौतम पनि आबद्ध छन् । यही नयाँ पार्टीमा समायोजन भएपछि उनले पुरानो पार्टी खारेज गर्न आयोगलाई अनुरोध गरेका थिए ।
तत्कालीन नेपाल कम्युनिस्ट पार्टी (नेकपा) मा विभाजन आएपछि गौतमले कुनै समूहमा नलागी नेकपा एकीकरण राष्ट्रिय अभियान सुरु गरेका थिए । पछि उनले यसलाई राजनीतिक दलको रुपमा निर्वाचन आयोगमा दर्ता गराएका थिए ।
प्रतिक्रिया दिनुहोस्
यस लेखमा प्रतिक्रिया बन्द गरिएको छ।