विराटनगर । इलामको चुलाचुलीमा हात्ती आक्रमणबाट एक जना ७३ वर्षे वृद्धको मृत्यु भएको छ । घटनामा चुलाचुली गाउँपालिका–१ का ७३ वर्षीय राजकुमार राईको मृत्यु भएको हो ।
सोमबार बेलुका गाउँ पसेका हात्ती लखेट्न गएका राईलाई हात्तीले आक्रमण गरेको थियो । घटनामा घाइते भएका राईको उपचारका क्रममा मृत्यु भएको प्रहरीले जनाएको छ । चुलाचुली २ स्थित निगुरे भन्ने ठाउँमा धानखेतमा हात्ती पसेपछि लखेट्न जाँदा घटना भएको थियो ।
