कोशीका थोरै स्थानमा हल्कादेखि मध्यम वर्षा

विराटनगर । मंगलवार बिहान चारवटा प्रदेशमा वर्षा भइरहेको छ । मधेश, बागमती र गण्डकीका केही र कोशीका थोरै स्थानमा हल्कादेखि मध्यम वर्षा भइरहेको महाशाखाले मंगलवार बिहान जारी गरेको सूचनामा उल्लेख छ । हाल देशभर मनसुनी वायुको प्रभाव रहेको मौसम पूर्वानुमान महाशाखाले जनाएको छ

दिउँसो बागमती, गण्डकी र लुम्बिनीका केही स्थान तथा मधेश, कर्णाली र सुदूरपश्चिमका थोरै ठाउँमा मेघ गर्जन–चट्याङसहित हल्कादेखि मध्यम वर्षाको सम्भावना रहेको छ ।

यस्तै गण्डकीका एक–दुई स्थानमा भारी वर्षाको सम्भावना रहेको महाशाखाले जनाएको छ ।

यसैगरी राति पनि वर्षाको सम्भावना रहेको पाइएको छ ।

‘बागमती, गण्डकी, कर्णाली र सुदूरपश्चिमका केही स्थान तथा बाँकी प्रदेशका थोरै ठाउँमा मेघ गर्जन–चट्याङसहित हल्कादेखि मध्यम वर्षाको सम्भावना रहेको महाशाखाले जनाएको छ ।