उदयपुर । पहिरोबाट उदयपुरमा १ जनाको मृत्यु भएको छ । जिल्ला प्रहरी कार्यालय उदयपुरका अनुसार अन्य दुई जना घाइते भएका छन् ।
त्रियुगा नगरपालिका– १५ तोरीबारीमा पहिरोमा परी आठ वर्षीय रुपकला मगरको मृत्यु भएको प्रहरीले जनाएको छ ।
यस्तै, ४० वर्षीया हीरामाया मगर र उनका सात वर्षीय छोरा योगेश मगर घाइते भएका हुन् ।
गम्भीर घाइते उनीहरूको स्थानीय अस्पतालमा उपचार भइरहेको छ ।
तोरीबारीमा पहिरोले चार घर पुरेको छ भने अन्य पाँच घर उच्च जोखिममा छन् ।
