विराटनगर । मोरङको ग्रामथान गाउपालिका अध्यक्ष जयप्रकाश गच्छदारको निधन भएको छ । चार महिनाअघि भएको राष्ट्रियसभा निर्वाचनका लागि विराटनगर आएका उनी १० माघमा ब्रेन ह्यामरेज भएर थलिएका अध्यक्ष गच्छदारको आज दिउँसो मृत्यु भएको नेपाली कांग्रेस मोरङका उपसभापति भक्तिनाथ माझीले बताए ।
स्थानीय तह निर्वाचनमा उनी नेपाली कांग्रेसबाट निर्वाचित भएका थिए ।उनका अनुसार गच्छदारको भोलि अन्तिम संस्कार गरिनेछ ।
चार महिनादेखि अर्धचेत रहेका उनी एक महिनायता घरमा थिए । अध्यक्ष गम्भीर विरामी परेपछि चार महिनायता उपाध्यक्ष गुणवतीदेवी थारुले कार्यवाहक अध्यक्षको रुपमा काम गरिरहेकी छन् ।
