संखुवासभा । संखुवासभाको सभाखोला गाउँपालिका १ लेब्राङ स्थित सभाखोलाले बगाएर एक व्यक्तिको मृत्यु भएको छ ।
बुधबार दिउँसो पाँचखपन नगरपालिका ३ का ३३ वर्षीय भेषराज काल्पा मगरले खोलामा गाई तार्ने क्रममा खोलाले बगाउँदा उनको मृत्यु भएको हो ।
खोलाले बगाएको स्थानबाट करिव चार किलोमिटर टाढा रिपेनी घाटमा मगर मृत अवस्थामा फेला परेका थिए । घटनास्थलमा जिल्ला प्रहरी कार्यालय संखुवासभाबाट प्रहरी अधिकृतसहितको टोली खटिएर शवको आवश्यक कानुनी प्रकृया पुरा गरी पोष्टमार्टमको लागि जिल्ला अस्पताल खाँदबारी पठाएको छ ।
घटना सम्वन्धमा थप अनुसन्धान भईरहेको प्रहरीले जनाएको छ ।
