कानेपोखरी । मोरङको कानेपोखरी गाउँपालिका–६ मुलागाउँमा रहेको श्री सरस्वती आधरभूत विद्यालय व्यवस्थापन समितिको अध्यक्षमा खगेन्द्र बराइलीलाई पुन: दोहोर्याउन अभिभावकहरुले माग गरेका छन् ।
तीन वर्षको एक कार्यकाल अध्यक्ष भएर विद्यालय सुधारको लागि उल्लेखनीय योगदान गरेको कारणले अभिभावकहरुले पुनः दोहोर्याउन माग गरेका हुन् । बराइली २०७७ असोज १८ गते अध्यक्ष भएका थिए । उनको कार्यकाल १८ असोज २०८० मा सकिएको थियो । अहिले विद्यालयमा नयाँ व्यवस्थापन समिति चयनको प्रक्रिया सुरु भएको छ । त्यसैले अध्यक्षमा पुन: बराइलीलाई दोहोर्याउन अभिभाव, पूर्व विद्यार्थीहरुले माग गरेका हुन् ।
गुणस्तरीय शिक्षा प्रदान गरी सरस्वती आधरभूत विद्यालयलाई गाउँपालिका भित्र मात्र नभएर कोशी प्रदेशभित्रमै नमूना विद्यालय बनाउने संकल्प बोकेर अगाडी बढेको भन्दै बराइलीलाई पुनः दोस्रो कार्यकालको लागि विद्यालय व्यवस्थापन समितिको अध्यक्षमा दोहोर्याउन आम अभिभावक भेलाले निर्णाय गरेको छ ।
अभिभावकहरुले २ कार्तिकमा गरेको निर्णायसहितको प्रतिवेदन कानेपोखरी गाउँपालिका अध्यक्ष राजमति इङ्नामलाई पनि भेटर ज्ञापन पत्र बुझाएका छन् । बराईली पहिलो पटक अध्यक्ष हुँदा सरस्तवी स्कुलमा अंग्रेजी माध्यमबाट पठनपाठन गरेर विद्यालयको शैक्षिक गुणस्तर सुधारमा गरेका थिए । त्यसैगरी विद्यालयलाई प्रविधिमैत्री बनाएर गाउँपालिका भित्र नमूना विद्यालय बनाउन अग्रसर भएर लागि परे । पुन: बराइली अध्यक्ष भएर आए विद्यालयको थप शैक्षिक गुणस्तर सुधार र नमूना विद्यालय बनाउने भिजन भएका युवालाई दोर्याउन अभिभावकहरुले माग गरेका हुन् ।
अभिभावकले भेलाले बराईली र बीना देवी तामाङलाई विद्यालयको व्यवस्थापन समितिको मनोनित सदस्यमा दोस्रो कार्यकालको लागि दो¥याउन सर्वसम्मत निर्णय गरेको छ । सोही अनुसार शुक्रबार बसेको विद्यालय व्यवस्थापन समितिले बीना देवी तामाङलाई सर्वसम्मत सदस्यमा चयन गरेको भने थप एक जना सदस्यको लागि ८ जनाको नाम सिफारिस गरेको छ । जसमा खगेन्द्र बराईली, नर बहादुर तामाङ, खड्ग बहादुर खड्का, देश बहादुर लिम्बू, धन बहादुर पौडेल, जीवन कुमार विश्वकर्मा र प्रविण सुवेदीको नाम सिफारिस गरेको छ ।
यसअघि ४ जना अभिभावकहरुबाट सदस्य चयन भइसकेका छन् । थप दुई जना मनोनित सदस्य चयन भएपछि ६ जना सदस्यबाट अध्यक्ष चयन हुनेछ । विद्यालय सुधारको लागि राम्रो काम गरेर आम अभिभावकले बराइलीलाई दोहो¥याउन माग गरिहेको बेला उनलाई छेक्न विद्यालयका केही शिक्षक र गाउँपालिका केही जनप्रतिनिधिहरु लागेका छन् । बराइलीलाई अध्यक्षमा रोक्नको लागि अभिभावकहरु भेला नगरि व्यवस्थापन समितिबाट बराइलीसहित ८ जनाको नाम गाउँपालिकामा सिफारिस गरेको हो । बराइलीलाई माइनस गरेर ८ जनाबाट सिफारिस भएका मध्ये एमाले निकटका व्यक्तिलाई मनोनित सदस्यमा सिफारिस हुने हो किनेर अभिभावकहरुले आशङ्का व्यक्त गरेका छन् । गाउँपालिकाभित्र एमालेबाट निर्वाचित सदस्यहरू बहुमत रहेको र सिफारिसमा परेका केही व्यक्ति एमाले निकटमा भएका कारणले अभिभावकहरू र पूर्व विद्यार्थीहरुले विद्यालय सुधारको लागि योग्य व्यक्ति ल्याउनुपर्ने माग राख्दै आएका छन् ।
अभिभावको चाहना विपरीत अन्य व्यक्ति ल्याउने भएकोले पूर्व विद्यार्थीहरुले गाउँपालिकामा ज्ञापन पत्र पनि बुझाइसकेका छन् । अभिभावक, पूर्व विद्यालय व्यवस्थापन समितिका अध्यक्षहरु, पूर्व विद्यार्थीहरू र अहिले व्यवस्थान समिति सदस्यमा चयन हुनुभएको सदस्यहरुको चाहना र निर्णय विपरीत गाउँपालिकाले आफुखुसी विद्यालयमा राजनीतिक हस्तक्षेप गराउने दूषित मनसाय राखि मनोनित सदस्यमा विद्यालयलाई कुनै योगदान नदिएका व्यक्ति, विद्यालयप्रति कुनै चासो र चिन्ता नभएका व्यक्तिलाई ल्याएको खण्डमा आम अभिभावक र पूर्व विद्यार्थीहरु आन्दोलनमा उत्रिन बाध्य हुने ज्ञापन पत्रमा उल्लेख छ ।
यता कानेपोखरी गाउँपालिका अध्यक्ष राजमती इङ्नामले विद्यालयले सिफारिस गरेको आधारमा दुई जना सदस्य मनोनित गर्ने बताइन् । ‘विद्यालयले सिफारिस गरे हामी मनोनित गरेर पढाउछौ,’ उनले भनिन्, ‘विद्यालयले ढिलो गरि सफारिस गरेको कारणले व्यवस्थापन समितिले पूर्णता पाउन ढिलो भएको हो ।’
