विराटनगर । प्याब्सन विराटनगरको आयोजनामा अन्तर विद्यालय यु(१५ प्रेसिडेन्ट कप फुटबल प्रतियोगिता सुरु भएको छ । विराटनगरको जुटमिलको खेलमैदानमा मङ्गलवारदेखि सुरु भएको प्रतियोगितामा चार वटा स्कुल विजय भएको हो र पहिलो दिनको खेलमा डी.ए.भि बोर्डिङ स्कुल, ग्यालेक्सी पब्लिक स्कुल, बि.के.भि.एम बोर्डिङ स्कुल र एभरेस्ट सेकेन्डरी स्कुल विजयी हुँदै अन्तिम ८ मा प्रवेश गरेका छन् ।
पहिलो खेलमा डिएभि स्कुलले सिद्धार्थ स्कुललाई १(० गोलले हराउँदै डिएभि अन्तिम आठमा पुगेको छ । खेलेका म्यान अफ द म्याच सिद्धार्थ स्कुलका आर्यन मगर घोषित भए । यसै गरी दोस्रो खेलमा टाई ब्रेकरमा सनसाइन स्कुललाई ४(३ गोलले निराश बाउँदै ग्यालक्सि पब्लिक स्कुल विजय भएको हो । खेलेका म्यान अफ द म्याच ग्यालेक्सीका शिव मणि चौधरी भए ।
तेस्रो खेलमा टाई ब्रेकरमा प्यारागन स्कुललाई ४(३ गोलले पराजित गरी बिकेभिएम स्कुल विजय भएको छ । खेलेका म्यान अफ द म्याच बिकेभिएमका बिबिक राज पाण्डे घोषित भए । चौथो खेलमा विराट शिक्षा निकेतनलाई २(० गोलले हराउँदै एभरेस्ट स्कुल विजय भयो । एभरेस्टका सक्षम श्रेष्ठ म्यान अफ द म्याच घोषित भए । प्रतियोगितामा विराटनगरका १६ वटा निजी विद्यालयको सहभागी रहेको प्रतियोगिताको संयोजक हिरा थापाले जानकारी दिए ।
