बेलबारी । बेलबारीमा पहिलो पटक बेलबारी क्लब कप फुटबल प्रतियोगिता हुने भएको छ । बेलबारी नगरपालिका क्षेत्र भित्र रहेका आठ वटा टिमको सहभागिता रहने उक्त गोल्ड कप पुस १४ गते देखी सुरु हुने आयोजकले जनाएको छ ।
एम्रियो युवा क्लबको आयोजनाको हुने नकआउट फुटबल प्रतियोगितामा डांगिहाट यूथ क्लब, डाँगिहाट फुटबल क्लब, बाहुनी फुटबल क्लब, बि.एम. एकेडेमी बोरा बाँध, एम्रियो युवा क्लब, बेलबारी फुटबल क्लब, लात्तालात्ती फुटबल क्लब, बेतना युनाईटेड फुटबल क्लब गरी जम्मा आठ टिमको सहभागिता रहने खेल संयोजक विमल लिम्बुले जानकारी दिए । खेल स्थानीय खेलाडीलाई प्रवर्धन गर्ने उद्देश्यले बेलबारी ८ एम्रियो खेल मैदानमा संचालन हुनेछ ।
उक्त फुटबल प्रतियोगिताको विजेता टिमले नगद पचास हजार सहित ट्रफि र प्रमाणपत्र पाउने छन् भने उप विजेताले टिमले नगद तिस हजार सहित ट्रफि र प्रमाणपत्र पाउने आयोजकले पत्रकार सम्मेलन मार्फत जानकारी गराएको छ । त्यसैगरी प्रत्येक दिन खेलको म्यान अफ द म्याचले नगद २ हजार र खेल अवधिभरका विभिन्न सिरिजमा खेलाडीलाई ३ हजारका दरले प्रदान गरिने छ ।
