काठमाडौं । आईसीसी टी–२० क्रिकेट विश्वकप छनोटअन्तर्गत समूह चरणको अन्तिम खेलमा नेपालले आज ओमानको सामना गर्दैछ । नेपाल र ओमान दुवै एक खेलअघि नै सेमिफाइनलमा पुगिसकेका छन् ।
नेपाल आज ओमानलाई हराउँदै समूह विजेता बन्ने लक्ष्यमा रहेको छ ।
खेल कीर्तिपुरस्थित त्रिवि मैदानमा बिहान ९ बजे शुरू हुनेछ ।
फाइनल पुग्ने एक टोली सन् २०२४ मा हुने टी–२० विश्वकपमा छनोट हुनेछ ।
नेपाल र ओमानले यसअघिका खेलमा सिंगापुर र मलेसियालाई हराएका थिए । समान ४ अंक भए पनि ओमान नेट रनरेटमा अगाडि छ ।
यस्तै आजै अन्य तीन खेल पनि हुँदैछन् । जसमा यूएईविरुद्ध हङकङ, मलेसियाविरुद्ध सिंगापुर र बहराइनविरुद्ध कुवेत रहेका छन् ।
