काठमाडांं । आईसीसी महिला टी–२० विश्वकप एसिया क्षेत्र छनोटअन्तर्गत नेपाली महिला क्रिकेट टोलीले आज संयुक्त अरब इमिरेटस (युएईसँग प्रतिस्पर्धा गर्दैछ ।
मलेसियाको राजधानी क्वालालम्पुरस्थित मैदानमा हुने खेल नेपाली समयानुसार बिहान सवा ७ बजेबाट शुरू हुने भनिए पनि वर्षाका कारण शुरू हुन सकेको छैन ।
नेपाल अपराजित रूपमा समूह विजेता हुँदै सेमिफाइनल प्रवेश गर्न चाहन्छ । आजको खेलले समूह विजेता र उपविजेताको टुगो लाग्ने छ ।
जारी प्रतिस्पर्धामा लगातार चार खेल जितेका दुवै टोली एक खेलअगावै सेमिफाइनलमा स्थान बनाइ सकेका छन् । नेपाल र युएई दुवै राष्ट्रिय टोलीको समान ८ अंक रहेको छ।
