विराटनगर । नेपाली काँग्रेसका युवा नेता अभिषेक गिरीले खेलाडीहरुलाई खेलकुदको सामाग्री वितरण गरेका छन् । विराटनगरस्थित सहिद रंगशालमा शुक्रबार एक कार्यक्रम आयोजना गरी खेलाडीहरुलाई खेलकुदका सामाग्री वितरण गरेका हुन् ।
युवा नेता गिरीले खेलाडीहरुलाई फुटबल र जर्सीहरु वितरण गरेका थिए । कार्यक्रममा बोल्दै युवा नेता गिरीले खेलकुद क्षेत्रको विकासमा राज्यले लगानी गर्न नसक्दा खेल क्षेत्र पछि परेको बताए । उनले खेलकुदमा संघ, प्रदेश र स्थानीय तीन वटै सरकारले विशेष प्राथामिकतामा राखेर खेलकुद क्षेत्रको विकासमा ध्यान दिनुपर्नेमा जोड दिए । खेलकुद क्षेत्रको अन्तर्राष्ट्रिय जगतमा देशको नाम राख्ने भएकोले कारणले पनि यस क्षेत्रको विकासमा राज्यले ध्यान दिनुपर्ने उनले बताए ।
खेलकुद सामाग्री वितरणमा युवा नेता गिरीसहित खेलकुद क्षेत्रका व्यक्तिहरुको पनि उपस्थिती रहेको थियो ।
