उदयपुर । प्रदेश १ मा नेकपा एककीृत समाजवादीले उदयपुरको उदयपुरगढी गाउँपालिकाको अध्यक्षमा जित निकाल्दै खाता खोलेको छ ।
गाउँपालिकामा नेकपा एकीकृत समाजवादीका मानबहादुर क्याप्छाकी मगर निर्वाचित भएका छन् । उनले ४९४२ मत ल्याएर जितेका हुन् । उनका प्रतिष्पर्धी एमालेका गोपालबहादुर खत्रीले ४११४ मत ल्याएका छन् ।
उपाध्यक्षमा काँग्रेसका जीतबहादुर खड्का ४६४८ मतसहित विजेता बन्दा प्रतिष्पर्धी एमालेकी शोभाकुमारी मगरले ३८६३ मत पाएकी छन् । गाउँपालिकामा काँग्रेस र समाजवादीको गठबन्धन थियो ।
