विराटनगर । ‘प्रथम जिल्ला स्तरिय अन्तर विद्यालय मिल्स कप नकाउट फूटलब टुर्नामेन्टमा विराटनगरको एभरेष्ट बोर्डिङ स्कूल र डन बस्को स्कूल सेमिफाइनलमा प्रवेश गरेको छ ।
फार्क क्लब रानी विराटनगर–१५ को आयोजनामा विराटनगर जुट मिलको खेलमैदानमा बिहिवार भएको पहिलो खेलमा सुन्दरहरैचाको पुर्वाञ्चल एकाडेमिलाइ २–० गोलले पराजित गरि डनबस्को स्कुल सेमिफाइनलमा पुगेको हो ।
जितको लागि डनबस्कोका विराट रेग्मी र उमेश कामतले गोल गरेका थिए । खेलको म्यान अफ द म्याच पूर्वाञ्चालका गोल किपर आदित्य लिम्बू घोषित भए ।
सोही दिन भएको दोस्रो खेलमा विराटनगरको दिल्ली पब्लिक स्कुललार्इ १–० गोलको अन्तरले एभरेष्ट स्कुल समेफाईनलमा पुगेको हो । जितको लागि एभरेष्टका सक्षम श्रेष्ठले गोल गरेको थिए । खेलको म्यान अफ द म्याच गोल किपर एभरेष्ट अशोदिप खड्का घोषित भए ।
शुक्रबारको पहिलो खेल सेमिफाइनल गोदावरी र डनबस्को हुनेछ । सोही दिन हुने दोस्रो खेल जनक र एभरेष्ट स्कुलबीच हुनेछ ।
