काठमाडौं । पाँच दलीय गठबन्धनको निर्णय अनुसार आजै बस्ने मन्त्रीपरिषद्को बैठकले दल विभाजनसम्बन्धी अध्यादेश खारेजको निर्णय गर्ने भएको छ ।
प्रधानमन्त्री शेरबहादुर देउवाले आज बोलाएको मन्त्रिपरिषद बैठकले अध्यादेश खारेजको निर्णय गर्ने भएको हो । मन्त्रिपरिषदको निर्णय लगत्तै अध्यादेश खारेजको सिफारिस राष्ट्रपतिसमक्ष पेश गर्ने तयारी भएको छ ।
सरकारले गत साउन २ गते दल विभाजनसम्बन्धी अध्यादेश ल्याएको थियो । संविधान अनुसार संसदको अधिवेशन सञ्चालनमा आएको पहिलो बैठकमा अध्यादेश पेस गर्नुपर्छ । अध्यादेश पेस भएसँगै ६० दिनभित्र सरकारले प्रतिस्थापन विधेयक ल्याउन सक्ने व्यवस्था छ ।
