विराटनगर । नेकपा एमाले विराटनगर महानगर कमिटीले अगुवा कार्यकर्ता भेला गरेको छ ।
भेलाले कार्यकर्ताहरुमा उर्जा भरेको महानगर अध्यक्ष सागर थापाले बताए । अत्याधिक कार्यकर्ता सहभागी भएसँगै आफू उत्साहित बनेको अध्यक्ष थापाले बताए ।
उनले तल्लो तहका कार्यकर्तामा बढेको उत्साहले स्थानीय तह, प्रदेश तथा संघीय निर्वाचनमा समेत एमालेलाई पहिलो पार्टी बन्न कसैले रोक्न नसक्ने बताए । महानगरस्तरीय कार्यकर्ता भेलामा पूर्वमन्त्री लालबाबु पण्डित, सांसद भानुभक्त ढकाल, पूर्वमन्त्री तथा सांसद शिवमाया तुम्बाहाम्फे, प्रदेश १ का पूर्व समाजिक विकास मन्त्री जीवन घिमिरे लगायतकाले सम्बोधन गरेका थिए ।
