काठमाडौं । यसअघि स्थगित भएको कक्षा १२ को परीक्षा भदौ ३० गतेदेखि संचालन हुने भएको छ ।
राष्ट्रिय परीक्षा बोर्डले कक्षा १२ को परीक्षा भदौ ३० गतेदेखि सञ्चालन गर्ने सूचना जारी गरेको हो । परीक्षा भदौ ३० देखि असोज ८ गतेसम्म सञ्चालन हुनेछ ।
गत साउन ३१ देखि भदौ ९ गतेसम्म परीक्षा हुने गरी यसअघि तालिका सार्वजनिक भएको थियो । कोरोना भाइरस संक्रमण बढेपछि परीक्षा स्थगित गरिएको थियो ।
राष्ट्रिय परीक्षा बोर्डको आज बसेको बैठकले विद्यार्थीहरुको भौतिक उपस्थितिमै परीक्षा सञ्चालन गर्ने निर्णय गरेको हो । सरकारले कक्षा ११ र १२ का परीक्षार्थीलाई कोरोना भाइरसविरुद्धको खोप दिएको छ ।
