मोरङ । बेलबारी नगरपालिकाका नगर प्रहरीहरुले पुर्वपश्चिम राजमार्गको सरसफाई गरेका छन् ।
पर्यटकीय नगरको रुपमा विकास भइरहेको नगरपालिका क्षेत्र भित्र पर्ने उक्त सडक खण्डमा यात्रुले फालेका पानीका बोतल, सिसा, चाउचाउ, बिस्कुटलगायतको खोलहरु हटाएर सरसफाई गरेका हुन् ।
ट्राफिक कार्यालय बेलबारीदेखि लक्ष्मीमार्गसम्म सरसफाई गरिएको नगर प्रहरीका इन्चार्ज सलबहादुर गुरुङले बताए । यात्रुहरुले जथाभावी फोहोर गरेपछि नगरपालिकाले नगर प्रहरीलाई पठाएर सररसफाई गराएको हो ।
नगरपालिका क्षेत्रभित्र पर्ने किस्तिदेखी चिस्याङ पुलसम्म सरसफाई गरिने नगरपालिकाले जनाएको छ ।
