विराटनगर । नेपालमा पहिलो पटक मोरङ जिल्ला र सप्तरी जिल्लाबीचको ऐतिहासिक अन्तर–जिल्ला मनिष– दिपेन्द्र ट्रफी क्रिकेट सिरिज हुने भएको छ ।
नेपाल क्रिकेट संघ मोरङ र नेपाल क्रिकेट संघ सप्तरीको संयुक्त आयोजनामा उक्त क्रिकेट सिरिज हुन लागेको हो ।
नेपालमा पहिलो पटक हुन लागेको दुइ जिल्ला बिचको क्रिकेट सिरिज चैतको पहिलो साता हुने मोरङ जिल्ला क्रिकेट संघका अध्यष नविन घिमिरेले जानकारी दिनुभयो । विराटनगरमा शनिबार एक कार्यक्रम आयोजना गरि क्रिकेटर सिरिज ३, एक दिवसिय र टि– टुवान्टीको तीन वटै छोटो फरमाटको आधारमा खेल हुने जानकारी दिएको छ ।
पहिलो वर्ष आउँदो चैतको पहिलो साता हुने उक्त क्रिकेट प्रतियोगिता सप्तरीमा हुनेछ । अर्को वर्ष मोरङमा हुने सहमति भएको अध्यक्ष घिमिरेले जानकारी दिनुभयो । क्रिकेट खेलकुद क्षेत्रको विकासमा तीन तहका सरकारले प्राथामिकता राखेमात्र यस क्षेत्रको विकास हुने उहाँले बताउनुभयो ।
‘यस्ता खेलहरूले खेलाडीहरू उत्पादनमा ठूलो मद्दत मिल्नुको साथै दुबै जिल्लाको क्रिकेट खेलको विकास, संस्कृति आदन प्रदान र भाइचाराको विकासमा ठूलो सहयोग पुग्नेछ,’ अध्यक्ष घिमिरले भन्नुभयो । कार्यक्रममा विराटनगर महानगरपालिका प्रमुख भिम पराजुलीले खेलकुद क्षेत्रलाई प्राथामिकतामा राखेर काम गरेको बताउनुभयो ।
कार्यक्रममा सप्तरी जिल्ला क्रिकेट संघका अध्यक्ष आयुष श्रेष्ठले क्रिकेट क्षेत्रमा बुझेका व्यक्ति नेतृत्वमा पुगेमात्र यस क्षेत्रको विकास हुने बताउनुभयो । कार्यक्रममा क्रिकेट खेलाडी डा. मनिषराज पाण्डे, विनोद चौधरीले क्रिकेट खेलक्षेत्रको विकासमा सबैलाग्नुपर्नेमा जोड दिएका थिए ।
